ສູນ ເອອີເຄ ໄອທີ ຄອມພິວເຕີ ໄດ້ສ້າງຕັ້ງຂື້ນໃນວັນທີ 9 ເດືອນ ກັນຍາ ປີ 2001 ເຊີ່ງມີເປົ້າໝາຍເພື່ອ ຕອບສະໜອງ ໃຫ້ແກ່ການຕາມທິດຫັນເປັນອຸດສາຫະກຳ ແລະ ຫັນເປັນທັນສະໄໝ ຄ່ຽງຄູ່ກັນນັ້ນ ພວກເຮົາໄດ້ສົ່ງເສີມ ແລະ ພັດທະນາຊັບ ພະຍາກອນມະນຸດ ໃນ ສປປ ລາວ ເຊີ່ງເປັນປັດໃຈສຳຄັນ ໃຫ້ແກ່ການພັດທະນາເສດຖະກິດ – ສັງຄົມ. ສູນ ເອອີເຄ ໄອທີ ຄອມພິວເຕີ ເຊີ່ງເປັນສູນຂອງຄົນລາວ ທີ່ດຳເນີນທຸລະກິດ ດ້ານໄອຊີທີ ທີ່ຖືກຕ້ອງຕາມກົດໝາຍ ຢູ່ໃນ ສປປ ລາວ ຍັງມີປະສົບການ ແລະ ຜົນງານເຊັ່ນ: ການພັດທະນາຊອຟແວ, ເວັບໄຊທ໌, ໂປຼແກຼມຄອມພິວເຕີ ການສ້າງຖານຂໍ້ມູນ, ລະບົບ ເຄື່ອຂ່າຍ, ແລະ ຈຳໜ່າຍ ອຸປະກອນ ເຄື່ອງ ອີເລັກໂທຼນິກຄົບວົງຈອນ ສູນ ເອອີເຄ ມີຄວາມຕັ້ງໃຈກ້າວຂຶ້ນເປັນສູນດ້ານພັດທະນາໄອທີຊີຊັ້ນ ນຳແຫ່ງໜຶ່ງໃນ ສປປ ລາວ ທີ່ມີມາດຕະຖານທາງວິຊາການໃນລະດັບສາກົນ, ຄົ້ນຄວ້າ ແລະ ຝຶກອົບຮົມ ທີ່ມີຄຸນນະພາບ ໃຫ້ແກ່ສັງຄົມ ແລະ ສ້າງສາຍພົວພັນ ການຮ່ວມມືທາງວິຊາການ ກັບສະຖາບັນດ້ານ ໄອທີສາກົນ. ເພື່ອເປັນການຜັນຂະຫຍາຍນະໂຍບາຍຂອງລັດຖະບານໃນການຫັນເປັນອຸດສາຫະກຳ ແລະ ທັນສະໄໝເທື່ອລະກ້າວ, ສົ່ງເສີມໃຫ້ສັງຄົມນໍາໃຊ້ ໄອທີ ຢ່າງກວ້າງຂວາງ ແລະ ມີປະສິດທິຜົນສູງ, ສູນເອອີເຄ ຈຶ່ງໄດ້ພັດທະນາລະບົບເຕັກໂນໂລຊີກະເປົາເງິນເອເລັກໂຕຣນິກ iCredit ຂຶ້ນມາ ຮັບໃຊ້ສັງຄົມ ແນໃສ່ໃຫ້ຜູ້ທີ່ເຂົ້າຮ່ວມໂຄງການໄດ້ຮັບຄວາມສະດວກສະບາຍ, ວ່ອງໄວ ປອດໄພ ແລະ ທັນສະໄໝ. iCredit ເປັນອີກທາງເລືອກໜຶ່ງໃນການໃຊ້ຈ່າຍຂອງຜູ້ທີ່ເຂົ້າຮ່ວມໂຄງການ ແລະ ຍັງເປັນທຸລະກິດແຟຣນໄຊສ ທີ່ທຸກຄົນສາມາດເປັນເຈົ້າຂອງ ເພື່ອສ້າງລາຍໄດ້ເສີມໃຫ້ແກ່ຕົນເອງ ແລະຄອບຄົວ. ບໍລິສັດ AEK ຫວັງຢ່າງແຮງກ້າວ່າ ເຕັກໂນໂລຊີ iCredit ນີ້ ຈະຮ່ວມປະກອບສ່ວນໃຫ້ແກ່ການພັດທະນາເສດຖະກິດ-ສັງຄົມຂອງຊາດ ຊ່ວຍໃຫ້ປະຊາຊົນລາວລຸດພົ້ນຈາກຄວາມທຸກຈົນໃນປີ 2020.